പ്രേമം എന്ന ചിത്രത്തിലൂടെ പ്രേക്ഷകരുടെ പ്രിയങ്കരിയായ അനുപമ പരമേശ്വരനും തമിഴിലെ യുവതാരം അഥര്‍വ്വയും ഒന്നിക്കുന്ന പ്രണയചിത്രം ‘തള്ളി പോകാതെ’യുടെ ഫസ്റ്റ് ലുക്ക്‌ റിലീസ് ചെയ്തു. അനുപമയുടെ പിറന്നാള്‍ ദിനമായ ഇന്നാണ് ഫസ്റ്റ് ലുക്ക്‌ റിലീസ് ചെയ്യാന്‍ അണിയറകാര്‍ തെരഞ്ഞെടുത്തത്. ആര്‍ കണ്ണന്‍ സംവിധാനം ചെയ്യുന്ന ചിത്രം നിര്‍മ്മിക്കുന്നത് മസാല പിക്സ്, എം ക ആര്‍ പി പ്രൊഡക്ഷന്‍സ് എന്നിവര്‍ ചേര്‍ന്നാണ്. സംഭാഷണം. കബിലന്‍ വൈരമുത്തു,ക്യാമറ ഷണ്മുഖ സുന്ദരം.
‘പ്രേമം’ എന്ന ആദ്യ ചിത്രത്തിലൂടെ മലയാളികളെ കയ്യിലെടുത്ത നടിയാണ് അനുപമ പരമേശ്വരൻ. ചിത്രത്തിന്‍റെ വലിയ വിജയത്തെ തുടര്‍ന്ന് അനുപമ മലയാളത്തിൽ നിന്നും തമിഴിലേക്കും അവിടെ നിന്നും തെലുങ്കിലേക്കും പോയി. ഇപ്പോള്‍ തെന്നിന്ത്യന്‍ ഭാഷകളില്‍ എല്ലാം തന്നെ സജീവമാണ് താരം. സായ് ധരം തേജയ്ക്ക് ഒപ്പം അഭിനയിച്ച ‘തേജ് ഐ ലൌവ് യു’, ‘ഹലോ ഗുരു പ്രേമ കൊസമേ’ എന്നിവയാണ് തെലുങ്കിലെ പ്രധാന ചിത്രങ്ങൾ.
Comments
Post a Comment
Do Not Link Any Spam Link In Comment Box.